Last Modified: February 29 2012 14:29:16.
കലയുടെ സര്‍ഗ്ഗമുഖങ്ങളൊരായിരം
അഴകില്‍ വിടര്‍ത്തും മലനാടേ
നിനക്കു ദൈവം നല്‍കീ ചിലങ്കകള്‍
നിത്യമോഹന നിധിയായി
(കലയുടെ)

ദേവാലയമുഖവാതിലിലാദ്യം
നീ കലയുടെ കൈത്തിരി വെച്ചു
ദേവദാസികള്‍ എണ്ണയൊഴിച്ചു
ദീപാവലികള്‍ വിരാജിച്ചു
(കലയുടെ)

രാമനാട്ടത്തിന്റെ ചിലമ്പൊലി
രാജസഭയിലുയര്‍ന്ന ചിലമ്പൊലി
കഥകളിമേളമുയര്‍ത്തീ കേരളം
ഒരു നവ സ്വര്‍ഗ്ഗപ്രഭ തൂകി
(കലയുടെ)

കൂത്തിന്‍ നിഴലില്‍ കുഞ്ചന്‍ തൂകി
കാര്‍ത്തികദീപോജ്ജ്വലമാം തുള്ളല്‍
കന്യകമാരുടെ കൈകൊട്ടലിലീ
കലയുടെ നാടിന്‍ കരളുമലിഞ്ഞു
(കലയുടെ)