Last Modified: February 29 2012 14:28:55.
 
മുകിലേ നീലമുകിലേ ദൂതു പറയാൻ
വേഗമണയൂ ചാരെ (2)
പുലരിപ്പുഴയുടെ മറുകരയിൽ
പ്രണയമലരിനു സുഖമല്ലേ (2)
സുഖമല്ലേ ?
(മുകിലേ ...)

മഴയുടെ തംബുരു മീട്ടിയ വിരലിൽ
മോതിരമൊരുനാൾ ചാർത്തിയതല്ലേ (2)
മിഴികളിലഴകിൻ മഷിയെഴുതുമ്പോൾ
മാറോടൊരു നാൾ ചേർന്നവളല്ലേ (2)
കനവിൻ കാഞ്ചന നിറമല്ലേ
കൊലുസ്സിൻ കൊഞ്ചലു പതിവല്ലേ
(മുകിലേ ...)

ചിരിയുടെ മുത്തുകൾ കോർത്തൊരു രാവിൻ
ചാരുതയെല്ലാം ഓർമകളല്ലേ (2)
പരിഭവമൊഴുകും മിഴികളിലെന്നും
തീരാമോഹം ചേർത്തവളല്ലേ
തെളിയും അമ്പിളി മുഖമല്ലേ
നിറയും ചന്ദന മണമല്ലേ
(മുകിലേ ...)