Last Modified: February 29 2012 14:27:20.

ഏഴുനിലമാളിക മട്ടുപ്പാവിനുള്ളിലെ
കാവൽ നായ്ക്ക് പണ്ടു പണ്ടൊരക്കിടി പറ്റി (2)
കാലത്തെ കാക്കകൾ കൊത്തു കൂടി
തട്ടി താഴത്തു വീഴിച്ചോരെല്ലു കിട്ടി (2)
(ഏഴുനില...)

തൻ മുന്നിൽ വീണൊരാ എല്ലുമായ് നായ
വാലാട്ടിക്കൊണ്ടേ പാഞ്ഞു പോയീ (2)
അതു വഴി ഓടിയും ഇതുവഴി ചാടിയും (2)
പാത്തും പതുങ്ങീം കടന്നു പോയി (2)
(ഏഴുനില...)

പോകും വഴിയിലൊരു പാലമേറി
താഴെ വെള്ളത്തിൽ സ്വന്തം നിഴലു കണ്ടു (2)
എതിരിടുവാനുടൻ മുതിരുകയായവൻ (2)
ഒറ്റക്കുര...
ഒറ്റക്കുര വെള്ളത്തിൽ എല്ലു പോയി
(ഏഴുനില...)